"Манчестер Сити" бош мураббийи Пеп Гвардиола "Ливерпуль" мухлисларининг ҳайқириқлари ҳақида ўз фикрини айтди.
Мерсисайдлик мухлислар кеча ўйин вақтида испан мураббийига атаб "Эртага улар сени ишдан ҳайдаб юборишади", дея ҳайқиришди.
"Балки улар ҳақдир", - деди испаниялик ўйиндан кейинги интервьюсида. "Балки улар буни эртароқ куйлашлари керак эди. Маҳаллий жамоатчиликдан буни кутмаган эдим, лекин бу нормал ҳолат, мен ҳамма нарсани тушунаман. Биз кўплаб ақл бовар қилмайдиган ўйинларни бирга бошдан кечирдик. Мен уларни ҳурмат қиламан", - деди Гвардиола Sky Sports нашрига.
