«Ювентус» футболчиси Кенан Йилдиз яқин орада Англиядан таклиф олиши мумкин.
«Sky Germany» журналисти Флориан Плеттенбергнинг ижтимоий тармоқларда ёзишича, 19 ёшли Йилдиз «Манчестер Юнайтед»да ҳужумкор ярим ҳимоячи лавозимига асосий номзодлардан бири ҳисобланади. Қайд этилишича, «қизил иблислар» Йилдизнинг муваффақиятидан ҳайратда ва уни яқиндан кузатишда давом этмоқда.
Шу билан бирга, манба Йилдизнинг «Ювентус»ни тарк этиш ниятида эмаслиги ҳақида хабар беради. Футболчи Туринда ўзини қулай ҳис қилмоқда, у ерда мухлислар ёқимтойи. Туркиялик футболчининг узоқ муддатли шартномаси 2029 йилнинг ўрталарига қадар амал қилади.
Нуфузли «Transfermarkt» портали экспертлари Кенан Йилдизни 40 миллион еврога баҳоламоқда.
