"Челси" бош мураббийи Энцо Мареска ўз жамоасини АПЛ чемпионлиги учун даъвогарлар қаторида кўрмаётгани сабабларини тушунтирди.
"Бу фикр инглиз тилида тушунарли ёки йўқлигини билмайман, лекин ўйинчилар тажриба билан яшашлари керак. Улардан баъзилари учун ўтган мавсумдаги Лига кубоги финали фаолиятидаги энг муҳим ўйин бўлди. "Арсенал", "Ливерпуль" ва "Сити" футболчилари аллақачон кўп нарсаларни бошдан кечиришган - улар финалга чиқишган, чемпионлик учун курашган. Биз қачондир у ерда бўламиз, лекин ҳозир биз бундан ҳали узоқмиз", - деб тушунтирди Мареска, у аввалроқ "Челси" Премьер-лигада ғалаба учун курашишга тайёр эмаслигини бир неча бор таъкидлаган.
