«Ливерпуль» Англия Премьер-лигасининг 13-туридан кейин ишончли тарзда пешқадамлик қилмоқда.

Арне Слот жамоаси 13 учрашувда 11 та ғалабага эришиб, 34 очко жамғарган. Transfermarkt таъкидлаганидек, атиги тўрт ҳолатда АПЛ пешқадами 13-турдан сўнг турнир жадвалида "қизиллар"дан кўпроқ очкога эга бўлган: уч марта “Манчестер Сити”, улар икки марта 35 очко (2011/12 ва 2018/19) ва бир марта 37 очко тўплаган (2017/18), Юрген Клопп бошқарувидаги “Ливерпуль” буни яна бир бор уддалади – 2019/20 йилги мавсумда 37 очко жамғарилган.

Ҳозирги "Ливерпуль" билан бир хил 34 очко тўплаган жамоалар сирасига "Челси" (2005/06) ва "Манчестер Юнайтед" (2006/07 ва 1993/94) киради.