Рожер Шмидт ва Эрик тен Хаг "Лейпциг" бош мураббийи лавозимига номзодлар қаторидан жой олди.
Sky Deutchland хабарига кўра, немис клуби бош мураббий Марко Розени истеъфога чиқариш ҳақида ўйламоқда.
"Лейпциг" барча мусобақаларда сўнгги 6 ўйинда 5 та мағлубиятга учради. Клуб 12 турдан сўнг Бундеслигада 4-ўринда, шунингдек, Чемпионлар лигасининг умумий босқичида 5 ўйинда 0 очко билан 34-ўринда бормоқда.
Розе ўрнига номзодлар орасида аввалроқ клуб қизиқишлари доирасида бўлган Рожер Шмидт ва Эрик тен Хаг ҳам бор.
Мавсум давомида иккала мураббий ҳам ишдан бўшатилди. Қайд этилишича, 57 ёшли Шмидт ҳозир иш бошлашга тайёр эмас ва ёзгача кутмоқчи.
