Михаил Мудрикнинг "Челси"га ўтиши муваффақиятсиз бўлди, деб айтишимиз мумкин. Деярли икки йил аввал Лондон клуби украиналик футболчи учун 70 миллион евро тўлаган, яна 30 миллион евро бонус сифатида шартномага киритилган. Бироқ, Мудрик жамоада асосий таркибга кира олмади.
Сўнгги пайтларда Мудрикни бошқа, камтарроқ клублар билан боғлаган миш-мишлар тарқалди. Six Sports хабарига кўра, "Брайтон" 23 ёшли вингерга қизиқаётган клублар рўйхатидан жой олган.
Бу жамоа мавсумни яхши ўтказмоқда ва ҳозирда Премьер-лига турнир жадвалида тўртинчи ўринда бормоқда. Transfermarkt портали Мудрикни 30 миллион еврога баҳоламоқда.
