Mixail Mudrikning "Chelsi"ga o‘tishi muvaffaqiyatsiz bo‘ldi, deb aytishimiz mumkin. Deyarli ikki yil avval London klubi ukrainalik futbolchi uchun 70 million yevro to‘lagan, yana 30 million yevro bonus sifatida shartnomaga kiritilgan. Biroq, Mudrik jamoada asosiy tarkibga kira olmadi.
So‘nggi paytlarda Mudrikni boshqa, kamtarroq klublar bilan bog‘lagan mish-mishlar tarqaldi. Six Sports xabariga ko‘ra, "Brayton" 23 yoshli vingerga qiziqayotgan klublar ro‘yxatidan joy olgan.
Bu jamoa mavsumni yaxshi o‘tkazmoqda va hozirda Premyer-liga turnir jadvalida to‘rtinchi o‘rinda bormoqda. Transfermarkt portali Mudrikni 30 million yevroga baholamoqda.
