Лондоннинг «Арсенал» клуби бош мураббийи Микель Артета вингер Букайо Саканинг муваффақияти ҳақида гапирди.

«Ҳа, у статистика нуқтайи назаридан тараққий этмоқда, буни ҳамма сезади, лекин жамоада Саканинг ҳар доим яхшиланиб бораётганини кўришади. Ҳар йили Букайо ўз ўйинига янги нарсаларни қўшади ва янги босқичга кўтарилади, лекин унинг ўсиши учун ҳали кўп жой бор. Сака тўғри футболчилар қуршовида, улар билан ривожланиш осонроқ, аммо энг муҳими - Букайонинг ўзи ривожланиш истагидир», - дея Артетадан иқтибос келтиради «Арсенал» матбуот хизмати.

Сака Англия Премьер-лигасининг жорий мавсумида «Арсенал»нинг 12 та ўйинида иштирок этиб, 5 та гол урди ва 10 та голли узатмани амалга оширди.