«Арсенал» бош мураббийи Микель Артета жорий мавсумда кўп ўйнай олмаётган ярим ҳимоячи Жоржиньо ҳақида гапирди. Шу билан бирга, дам олиш кунларида Жоржиньо «Вест Хэм»га қарши лондон дербисида 90 дақиқани майдонда ўтказди.

«Мен ҳар доим айтаманки, Жоржиньонинг асосий сифати унинг бошқа ўйинчиларни яхшироқ қилиш қобилиятидир. Мен ҳар доим унга тайёр бўлиши кераклигини айтдим, чунки у бизга керак бўладиган вақт келади. У энг юқори даражада тайёрланади. Бизга ўйнаш керак бўлганда, у тайёр. Уни «Наполи»да биринчи марта кўрганимда, унинг мураббий бўлиши мумкинлигини аниқ билардим. Унинг шундай қобилияти бор», деди Артета журналистларга.