"Ювентус" ярим ҳимоячи Николо Фаджиолининг нархи борасида бир қарорга келди. 23 ёшли футболчи "бянконери"нинг ҳозирги бош мураббийи Тиаго Мотта қўл остида камдан-кам ҳолларда асосий таркибда ўйнайди. Клуб январ ойида футболчи бўйича таклифларни кўриб чиқади.

Журналист Николо Шкиранинг хабар беришича, “Ювентус” италиялик футболчини 25 миллион еврога сотишга тайёр. Николо жорий мавсумда туринликлар сафида 15 та ўйинда майдонга тушди.

Аввалроқ ярим ҳимоячига Англия Премьер-лигасининг номи ошкор этилмаган клублари қизиқиш билдираётгани хабар қилинганди.