"Хоффенхайм" ярим ҳимоячиси Том Бишофф "Бавария"нинг радарида. 19 ёшли футболчи жорий мавсумда асосий таркибда мунтазам майдонга туша бошлади, бироқ Бундеслиганинг етакчи клубларида аллақачон қизиқиш уйғотди.
Sport Bild хабарига кўра, "Бавария" истиқболли ярим ҳимоячи учун курашда "РБ Лейпциг", "Айнтрахт" ва "Штутгарт"дан олдинда. Футболчининг шартномаси кейинги ёзда тугайди, шунинг учун у мавсум охирида эркин агент сифатида жамоага келиши мумкин.
Том Бишофф ушбу мавсумда "Хоффенхайм" сафида 16 та ўйинда майдонга тушиб, битта гол ва иккита голли узатмани амалга оширди.
