"Ювентус" ҳужумчиси Душан Влаҳович қишки трансфер ойнасида сотиб юборилиши мумкин. Миш-мишлар сербнинг келаси ёзда Турин клубини тарк этиши мумкинлиги билан боғлайди, аммо трансфер январ ойида амалга ошиши мумкин.

Журналист Жованни Албанезенинг сўзларига кўра, агар қишда форвард учун мақбул таклифлар тушса, "Ювентус" уни сотиш имкониятини кўриб чиқади. Душан Влаҳовичнинг нуфузли Transfermarkt.com порталидаги қиймати 65 миллион еврони ташкил қилади.

24 ёшли футболчининг "кекса синьора" билан шартномаси 2026 йилнинг ўрталарига қадар мўлжалланган. Жорий мавсумда футболчи 16 та ўйинда 9 та гол урди ва битта голли узатмани амалга оширди.