"Бавария" ярим ҳимоячиси Жамол Мусиала тез орада янги шартнома имзолаши мумкин. Маълумки, мюнхенликлар раҳбарлари 21 ёшли юлдуз билан шартномани 2030 йилгача узайтириш ниятида.
Маълумотларга кўра, Мусиала билан шартнома имзолаган тақдирда клуб тарихидаги энг қиммат шартнома бўлади.
Ҳужумкор ярим ҳимоячининг маоши аввалроқ Роберт Левандовски ва Харри Кейн билан бўлгани каби йилига 20 миллион евродан ошади, аммо айнан Мусиала билан тузилган шартнома мюнхенликлар тарихидаги энг йирик келишув бўлади. Беш йил ичида немис 100 миллион евродан кўпроқ маош олади.
Шунингдек, Жамол Мусиала "Бавария"да узоқ вақт қолишга тайёрлиги маълум. Томонлар фақат ҳамкорликнинг молиявий тафсилотларини ҳал қилишлари керак.
