"Bavariya" yarim himoyachisi Jamol Musiala tez orada yangi shartnoma imzolashi mumkin. Ma’lumki, myunxenliklar rahbarlari 21 yoshli yulduz bilan shartnomani 2030 yilgacha uzaytirish niyatida.
Ma’lumotlarga ko‘ra, Musiala bilan shartnoma imzolagan taqdirda klub tarixidagi eng qimmat shartnoma bo‘ladi.
Hujumkor yarim himoyachining maoshi avvalroq Robert Levandovski va Xarri Keyn bilan bo‘lgani kabi yiliga 20 million yevrodan oshadi, ammo aynan Musiala bilan tuzilgan shartnoma myunxenliklar tarixidagi eng yirik kelishuv bo‘ladi. Besh yil ichida nemis 100 million yevrodan ko‘proq maosh oladi.
Shuningdek, Jamol Musiala "Bavariya"da uzoq vaqt qolishga tayyorligi ma’lum. Tomonlar faqat hamkorlikning moliyaviy tafsilotlarini hal qilishlari kerak.
