ФИФА 2034 йилги жаҳон чемпионатига тайёргарлик кўришда кутилмаган қийинчиликларга дуч келди, деб ёзади Calcio e Finanza нашри.

Эслатиб ўтамиз, айни дамда ЖЧ-2034 мезбонлиги учун ягона ариза фақат Саудия Арабистони томонидан берилган эди. Катта эҳтимол билан у ерда жаҳон чемпионати бўлиб ўтади.

Бироқ, сана танлашда муаммо бор, чунки ёзда мамлакат жуда кучли иссиқликни бошдан кечириши мумкин, қишда эса Рамазон ойи бўлади.

Аризага кўра, майдан сентябргача мезбон шаҳарларда кундузги ҳарорат 17 ° С дан 38 ° С гача ўзгариб туради, лекин аслида у янада юқори бўлиши мумкин.

Мусулмонлар қамарий тақвим бўйича нишонланадиган Рамазон эса 2034 йилнинг декабрига тўғри келади, бу эса қишда жаҳон чемпионатини ўтказишни ҳам анча қийинлаштиради.

"Бироқ, 2034 йил учун халқаро эркаклар ўртасидаги ўйинлар тақвимини тузиш учун ажратилган катта вақт, шунингдек, номзод кўрсатган мослашувчанлик ва ҳамкорлик руҳи бу қийинчиликларни қисман юмшатган омиллардир" - дейилади ФИФА ҳисоботида.