Сешанба куни "Вест Хэм" "Лестер"га 1:3 ҳисобида имкониятни бой берди. Натижада, лондонликлар бош мураббийи Хулен Лопетегининг келажаги энди қил устида турибди.
Sky Sports нашри хабарига кўра, "болғачилар" директорлар кенгашининг бир қисми Лопетегига ишончини йўқотган. Клуб ҳозирда испанияликни ишдан бўшатиш ёки бўшатмаслик ҳақида ўйламоқда.
Ҳозирда "Вест Хэм" Англия Премьер-лигаси турнир жадвалида 14-ўринда бормоқда. Жамоа навбатдаги чемпионат учрашувини 9 декабрь, душанба куни ўз майдонида “Вулверхэмптон”га қарши ўтказади. Эслатиб ўтамиз, Хулен Лопетеги ёзда “Вест Хэм”ни қабул қилиб олганди.
