«ПСЖ» Виктор Осимхенга қизиқиш билдирмоқда.

«RMC Sport» нашрининг хабар беришича, парижликлар Луис Энрикега бундай турдаги ҳужумчилар - классик «тўққизлик» ёқмаслигига қарамай, «Наполи»га тегишли бўлган «Галатасарой»нинг 25 ёшли ҳужумчисини сотиб олиш имкониятини кўриб чиқмоқда.

Бироқ испаниялик мураббий январда ўз таркибини кучайтирмоқчи. Қишки ойнада Осимхеннинг нархи ёзга қараганда анча паст бўлади.

Рандал Коло-Муани жамоани тарк этса, «ПСЖ» ҳужум чизиғида бўшлиқ пайдо бўлади.

Журналист Даниэль Риолонинг таъкидлашича, Осимхеннинг трансфери Париж клубида «жиддий» муҳокама қилинмоқда.