“Интер Майами” ҳужумчиси Лионель Месси “Барселона”даги вақтини эслади.
Аргентиналик футболчи "кўк-анорранглилар" тизимига 2000 йилда 13 ёшида кириб келган ва орадан 21 йил ўтиб клубни тарк этган.
"Гвардиола ва Роналдиньо "Барселона"да менга энг кўп таъсир қилган инсонлардир.
Пеп кўп йиллар давомида менинг мураббийим бўлди ва унинг қўл остида биз орзу ҳам қила олмайдиган ажойиб натижаларга эришдик.
Роналдиньонинг эса мени қабул қилгани, қандай ёрдам берганини унута олмайман.
Бундан ташқари, мен Хави ва Иньестани ҳам яхши эслайман, шунингдек, ҳозирда “Интер Майами”да мен билан бирга ўйнаётган уч нафар (Суарес, Альба ва Бускетс) футболчилар ҳам менинг дўстларимдир.
Албатта, Тито Виланова алоҳида эътиборга лойиқ, биз уни жуда соғинамиз", - деди Месси.
