“Inter Mayami” hujumchisi Lionel Messi “Barselona”dagi vaqtini esladi.
Argentinalik futbolchi "ko‘k-anorranglilar" tizimiga 2000 yilda 13 yoshida kirib kelgan va oradan 21 yil o‘tib klubni tark etgan.
"Gvardiola va Ronaldinyo "Barselona"da menga eng ko‘p ta’sir qilgan insonlardir.
Pep ko‘p yillar davomida mening murabbiyim bo‘ldi va uning qo‘l ostida biz orzu ham qila olmaydigan ajoyib natijalarga erishdik.
Ronaldinyoning esa meni qabul qilgani, qanday yordam berganini unuta olmayman.
Bundan tashqari, men Xavi va Inyestani ham yaxshi eslayman, shuningdek, hozirda “Inter Mayami”da men bilan birga o‘ynayotgan uch nafar (Suares, Alba va Buskets) futbolchilar ham mening do‘stlarimdir.
Albatta, Tito Vilanova alohida e’tiborga loyiq, biz uni juda sog‘inamiz", - dedi Messi.
