“Ливерпуль” ҳужумчиси Муҳаммад Салоҳ Англия премьер-лигаси тарихидаги хорижлик футболчилар орасида энг яхши тўпурарлар рейтингида учинчи ўринни эгаллаб турибди.

Мисрлик футболчи яқинда "Ньюкасл"га қарши ўйинда (3:3) дубл қайд этиб, голлари сонини 170тага етказди.

Илгари бу кўрсаткичга фақат икки нафар инглиз бўлмаган футболчи эриша олган - аргентиналик Серхио Агуэро (184) ва франциялик Тьерри Анри (175).

Шу тариқа, Премьер-лига рекордини янгилаш учун «Ливерпуль» юлдузи 15 та гол уриши керак - бу жорий мавсумда содир бўлиши мумкин.

Муҳаммад Салоҳ жорий мавсум Англия чемпионатида 14 турдан сўнг 13 та гол уриб, тўпурарлар пойгасида пешқадамлик қилмоқда ва “Манчестер Сити” аъзоси Эрлинг Холандни (12) ортда қолдирди.