"Барселона" вингери Рафинья Диас фаолиятидаги энг сермаҳсул мавсумини ўтказмоқда.

27 ёшли футболчи бу мавсумда 90 дақиқада ўртача 1,5 та самарали ҳаракат амалга оширди, бу Европанинг топ-5 лигаларидаги иккинчи энг юқори кўрсаткичдир, дея хабар беради Barca Universal. Рейтингда фақат "Бавария" футболчиси Ҳарри Кейн 90 дақиқада 1,53 гол ва голли узатма билан юқорироқда жойлашган. Учинчи ўринни Франкфуртнинг "Айнтрахт" клубидан Омар Мармуш (1,47), тўртинчи ўринни мос равишда "Ливерпуль" ва "Барселона"дан Муҳаммад Салоҳ ва Роберт Левандовски бўлишди - ҳар бири 1,2.

Рафинья Диас Ханс-Дитер Флик жамоаси сафида 21 учрашувда 16 та гол урди ва 10 та голли узатмани амалга оширди.