«ПСЖ» ўз таркибини кучайтириш мақсадида футболчилар бозорини ўрганмоқда. Хабарларга кўра, «Ювентус»нинг ҳужумкор ярим ҳимоячиси Кенан Йилдиз Лига 1 радарига тушган. Парижликлар туркиялик футболчининг ривожланишини диққат билан кузатиб бормоқда.
Аввалроқ 19 ёшли Кенан Йилдизга Англиянинг «Манчестер Юнайтед» клуби қизиқиш билдираётгани ҳақида маълумот пайдо бўлганди.
«Transfermarkt» портали мутахассислари Йилдизни 40 миллион еврога баҳоламоқда. 2024/2025 йилги мавсумда Кенан 19 та ўйинда майдонга тушиб, тўртта гол урди ва шерикларига учта голли узатмани амалга оширди.
