"Интер" мағлубиятсиз сериясини 13 та ўйинга етказди.
Симоне Индзаги шогирдлари А Сериянинг 15-турида "Парма"дан устун келди (3:1).
22 сентябрь куни А Серияда "Милан"га (1:2) мағлуб бўлган "Интер" кетма-кет 13 учрашувдан бери мағлубиятсиз ўйнади – "нерадзуррилар" 11 та ғалаба ва икки бор дуранг ўйнади. "Фиорентина"га қарши 1 декабрь куни бўлиб ўтган А Серия ўйини "бинафшаранглар" ярим ҳимоячиси Эдуардо Бове ҳушини йўқотгани сабабли тўхтатилди.
Клуб Чемпионлар лигасида қаторасига 4 та ғалабага эришди. 10 декабрь куни "Интер" Чемпионлар лигаси умумий босқичининг 6-тури доирасида "Байер"га қарши баҳс олиб боради.
