«Шўртан» – «Пахтакор» баҳси якунига етгач, «Шўртан»да бош мураббий вазифасини бажарувчи лавозимида ишлаб келаётган Зоир Тўрақуловдан қисқача интервью олдик.

— Ўйин борасида гапирадиган бўлсам, аввало шогирдларимга раҳмат айтмоқчиман. Чунки мағлубиятга учраган бўлсак-да, йигитларга жиддий эътирозим йўқ. Футболчилар ҳамма кўрсатмаларни бажаришга ҳаракат қилишди. Футболда имконият ва омад деган нарсалар бор. «Пахтакор» ўз имкониятларидан фойдаланди ва жамоанинг бугун омади чопди деб ўйлайман. Бизда ҳам шунча имконият бўллишига қраамай, атиги битта гол урдик. Энди олдимизда биринчи давра тугашига яна бешта ўйин қолди ва шу беллашувларнинг ҳаммасида бор куч билан ҳаракат қиламиз.

— «Пахтакор» билан баҳсда «Шўртан»га тажриба етишмади деб ўйлайсизми?
— Тан олиш керак, «Пахтакор» бизга нисбатан бирмунча шаклланган жамоа ва бундан кўз юмиб бўлмайди. Улар чемпионалар лигасида ўйнаб яхшигина тажриба тўплаб олишди. «Шўртан»да эса янгиланиш жараёни давом этмоқда ва аввалги мавқемизга қайтиш учун бир мавсум керак бўлади.