"Жирона" бош мураббийи Мичел Санчес 7 декабрь куни бўлиб ўтадиган "Реал"га қарши Ла Лиганинг 16-тур учрашуви олдидан жамоанинг кадрлар ҳолати ҳақида гапирди.

"Асприлья одатдагидек машғулот ўтказди ва эртага тайёр бўлади. Циганков ва Янхель ўйнамайди, тўпиғини шикастлаб олган Солисанинг иштироки ҳам сўроқ остида. Биз кубокдан чиқиб кетдик ва турнирда курашни давом эттириш имкониятини қўлдан бой бердик, аммо бор эътиборимизни қолган иккита турнирга қаратишимиз керак", деди Мичел.

Аввалроқ Циганков қўшимча мушак жароҳати туфайли 3 ҳафтани ўтказиб юбориши ҳақида маълумот бор эди.