"Jirona" bosh murabbiyi Michel Sanches 7 dekabr kuni bo‘lib o‘tadigan "Real"ga qarshi La Liganing 16-tur uchrashuvi oldidan jamoaning kadrlar holati haqida gapirdi.
"Asprilya odatdagidek mashg‘ulot o‘tkazdi va ertaga tayyor bo‘ladi. Sigankov va Yanxel o‘ynamaydi, to‘pig‘ini shikastlab olgan Solisaning ishtiroki ham so‘roq ostida. Biz kubokdan chiqib ketdik va turnirda kurashni davom ettirish imkoniyatini qo‘ldan boy berdik, ammo bor e’tiborimizni qolgan ikkita turnirga qaratishimiz kerak", dedi Michel.
Avvalroq Sigankov qo‘shimcha mushak jarohati tufayli 3 haftani o‘tkazib yuborishi haqida ma’lumot bor edi.
