Ярим ҳимоячи Леон Горецка қишки трансфер ойнасида «Бавария»ни тарк этмайди. «Sky Germany» нашри журналисти Флориан Плеттенбергнинг ижтимоий тармоқларда ёзишича, Горетцка «Бавария»да қолишга ва мавсумни клуб билан якунлашга қарор қилган. 29 ёшли футболчининг мотивацияси юқори ва уни мюнхенликлар бош мураббийи Венсан Компани қадрлашда давом этмоқда.

Горецкага «Манчестер Юнайтед», «Тоттенхэм» ва «Наполи» каби клублар қизиқиш билдирмоқда. Бироқ, Леон «Бавария»да ўйнашда давом этади.

Леон Горецканинг «Бавария» билан амалдаги шартномаси 2026 йилнинг ўрталарига қадар тузилган. Нуфузли «Transfermarkt» портали мутахассислари футболчини 22 миллион еврога баҳоламоқда.