"Манчестер Юнайтед" бош мураббийи Рубен Аморим узоқ вақтдан бери илк бор ўз майдонидаги ўйинда мағлубият аламини тотиб кўрди.

Шанба куни бўлиб ўтган АПЛ доирасидаги ўйинда "манкунианликлар" ўз майдонида "Ноттингем Форест"га имкониятни бой беришди - 2:3.

Бу “қизил иблислар”нинг португал бошқарувидаги “Олд Траффорд”даги илк омадсизлигига айланди.

Бундан ташқари, BBC таъкидлаганидек, Аморим учун бу мағлубият чемпионатдаги уй ўйинида 22 ой ичида - 2023 йилнинг февралидан бери биринчиси бўлди.

Ўшанда мураббий бошчилигидаги Лиссабоннинг “Спортинг” клуби “Порту”га ютқазганди (1:2).

Эътиборли томони шундаки, ўша пайтдан бошлаб бугунгача Аморим жамоалари ўз майдонида 23 та ўйинда ғалаба қозона олишган.