Мадриднинг «Реал» клуби ярим ҳимоячиси Лука Модрич «Жирона»га қарши ўйинда (3:0) ўзига хос натижа қайд этди.

39 ёшли футболчи битта голли узатмани амалга ошириб, «Лос-Бланкос»га ғалаба қозонишга ёрдам берди. «SofaScore» маълумотларига кўра, Модрич жорий Ла Лига мусобақасида ҳар бир ўйинда 100 ёки ундан кўпроқ аниқ узатмага эришган биринчи ярим ҳимоячи бўлди. Шанба кунги учрашувда хорватиялик футболчи 103 та узатмани муваффақиятли бажарди (92% аниқлик).

Бундан ҳам кўпроқ Испания чемпионатининг жорий мавсумдаги бир ўйинида фақатгина ҳимоячилар - Иньиго Мартинес ва «Барселона» шарафини ҳимоя қилаётган Пау Кубарси тўп узатишди.