"Ювентус" бош мураббийи Тиаго Мотта мухлисларнинг жамоа натижаларидан норозилиги ҳақида гапирди.
Шанба кунги А Серия 15-тур учрашувида "бьянконерилар" "Болонья" билан очко бўлишди – 2:2. Туринликлар чемпионатда ҳамон мағлубиятга учрамаган, аммо бир ньюанc бор – атиги олтита ғалаба. Жамоа барча турнирларда ўтказган сўнгги тўққизта ўйиннинг еттитасида дуранг қайд этган.
"Болонья" билан учрашувнинг иккинчи ярмида "Ювентус" мухлислари норозиликларини очиқчасига билдиришди. Ўйин якунлангач, журналистлар мураббийдан бу ҳақда сўрашди.
"Мен сизга натижаларимизни баҳолаш имкониятини бераман. Мен футболчилар билан ишлашда давом этаман, уларнинг савиясини оширишга ҳаракат қиламан. Биз кучлироқ бўлиш ва рақибларимиз билан яхшироқ тўқнаш келиш учун ҳамма нарсани қиляпмиз", - деди Мотта DAZN нашрига берган интервьюсида.
