Интернетда Саудия Арабистонининг "Ан-Наср" ва Португалия терма жамоасининг 39 ёшли ҳужумчиси Криштиану Роналдунинг шахсий самолёти намойиш этилган видео пайдо бўлди. Бизнес-жетнинг корпусида футболчи брендининг тасвири, шунингдек, ўз услубида гол нишонлаётган ҳужумчи фигураси кўринади.
Жорий мавсумда Роналду барча турнирларда 19 та ўйинда қатнашиб, 16 та гол ва 3 та голли узатмани амалга оширди. Футболчининг клуб билан амалдаги меҳнат шартномаси 2025 йилнинг ёзига қадар мўлжалланган. Transfermarkt порталида тақдим этилган маълумотларга кўра, футболчининг бозор қиймати 15 миллион еврони ташкил этади.
