"ПСЖ" президенти клублар ўртасидаги жаҳон чемпионатининг янги форматига юқори баҳо берди.
"Турнир танқид қилинди, аммо энди тош отишни тўхтатиб, ижобий ва конструктив бўлиш вақти келди. Бу содир бўлади ва бу ажойиб. Мен шу ҳафта Майамида бўлдим, у ерда кутиш ҳисси бор эди: биз футболни спортнинг энг муҳим бозорларидан бирига олиб чиқмоқдамиз.
Турнир иштирокчи клублар ҳамда турнирда иштирок этмаётган жамоалар учун катта даромад келтиради ва бу футбол экотизимининг ривожланишига ҳисса қўшади. Бу футболни нафақат Европа, балки глобалроқ қилади.
Клублар ўртасидаги жаҳон чемпионати футболчиларнинг иш юкини сезиларли даражада оширмайди, чунки турнир ҳар тўрт йилда бир марта ва кам сонли клублар учун ўтказилади. Футболчиларга юкламани оширадиган нарса бу 20та терма жамоадан иборат миллий лигалар, иккита мамлакат кубоги, такрорий ўйинлар, ўртоқлик ва кўргазмали ўйинлар ҳамда мураббийларнинг таркибни алмаштирмаслиги", дейди Носир Ал-Хелайфи.
