"Наполи" спорт директори Жованни Манна Виктор Осимхеннинг сотилиши мумкинлиги ҳақидаги маълумотга изоҳ берди.
Нигериялик форвард мавсум охиригача "Галатасарой"га ижарага берилган. Шартномага кўра, агар 75 миллион евро тўлашга тайёр бўлганлар бўлса, январь ойида футболчини бошқа клубга тўлиқ ўтказиш имконияти кўзда тутилган. Миш-мишларга кўра, "Манчестер Юнайтед" ва "ПСЖ" бу вариантни кўриб чиқмоқда.
"Айтганимдек, бошқа клублар биз билан боғланмади. Виктор "Наполи"га тегишли ва "Галатасарой"да ўйнайди. Ҳозир бошқа ҳеч нарса бўлмаяпти", - дея Жованни Маннанинг сўзларини келтиради Football Italia.
