«Ювентус»нинг собиқ бош мураббийи Массимилиано Аллегри 2025 йилнинг ёзида Клаудио Раньери кетганидан кейин «Рома»ни бошқаришга асосий номзодлардан бири.
Томонлар ҳали музокара ўтказмаган. Қайд этилишича, Аллегрининг номзодини уни жуда яхши биладиган ва ҳурмат қиладиган Раньери таклиф қилган.
Эслатиб ўтамиз, Клаудио мавсум охиригача бош мураббий сифатида ишлайди, кейин эса катта ижрочи директор лавозимига ўтади. У клуб эгасининг барча спорт масалалари бўйича маслаҳатчиси бўлади, шунингдек, янги бош мураббий излашда ёрдам беради.
Аллегрининг сўнгги иш жойи «Ювентус» бўлиб, у 2024 йилнинг май ойида тарк этган. Аввалроқ, Массимилано «Вест Хэм» бош мураббийи лавозимига даъвогарлардан бири эканлиги ҳақида маълумотлар бор эди.
