“Интер Майами” клуби хўжайини Хорхе Мас Лионель Мессининг келажаги ҳақида маълумот берди.
Америка клуби хўжайинларидан бири аргентиналик шартномани узайтиришига ишонч билдирмоқда. Клуб Мессидан янги стадион очилишида иштирок этишини кутмоқда.
"Ишончим комилки, Лео Месси 2026 йилда янги стадионимизни очади. Мавсум оралиғида қайсидир вақтда Лео билан бирга ўтираман... Мен Мессининг соғлиғи барқарор экан, биз уни пушти рангда кўрамиз, деган оптимистик фикрдаман", - деди Мас.
Месси "Интер Майами" сафида барча мусобақаларда 39 та ўйин ўтказган. Уларда у 34 та гол ва 18 та голли узатмани амалга оширган.
