Кирнан Дьюсбери-Холл ёзда "Лестер"дан 30 миллион фунт стерлинг эвазига "Челси"га ўтганди. Ярим ҳимоячи "Стемфорд Бриж"да ўйин амалиётининг камлигидан хафсаласи пир бўлди ва олти ойдан кейин бошқа клубга ўтишга тайёр.
Football Insider хабарига кўра, "Челси" 26 ёшли футболчини январь ойидаёқ трансферга қўяди. Лондонликлар ярим ҳимоячини доимий қўйиб юборишни истаса, ёзда унинг учун тўлаган камида 30 миллион фунтни талаб қилади.
"Рейнжерс" ва "Астон Вилла" футболчини сотиб олишга қизиқиш билдиришган, аммо шотландияликлар футболчини январь ойида "Стемфорд Бриж"дан олиб кетиш учун молиявий маблағга эга эмаслар.
Жорий мавсумда Кирнан Дьюсбери-Холл 13 та ўйинда майдонга тушиб, битта гол урган.
