"Тоттенхэм" президенти Даниэль Леви Анге Постекоглу келажаги борасида бир қарорга келди. Daily Mail хабарига кўра, Лондон клуби раҳбари жамоа мураббийини қўллаб-қувватлашда давом этмоқда. Постекоглу яқин орада ишдан бўшатилмайди.
Ўзингизга маълумки, “Тоттенхэм” сўнгги пайтларда ўз мухлисларини тез-тез хафа қиляпти. Барча мусобақалардаги сўнгги етти учрашувда лондонликлар фақат битта ғалабани нишонлашга муваффақ бўлишди.
“Тоттенхэм” айни дамда Англия Премьер-лигаси турнир жадвалида 11-ўринда бормоқда. Постекоглу жамоаси навбатдаги ўйинни 12 декабрь куни Европа Лигаси доирасидаги “Рейнжерс”га қарши ўтказади.
