"Байер" Арда Гюлерга қизиқиш билдирмоқда.
Немис клуби ярим ҳимоячига "Реал"га ўтишидан олдин ҳам қизиқиш билдирган ва футболчини диққат билан кузатишда давом этмоқда, деб хабар беради Sky Sport журналисти Флориан Плеттенберг.
Мадрид клуби қишки трансфер ойнасида ярим ҳимоячини қўйиб юбориш ниятида эмас. Аммо келаси ёзда Гюлерни қўлга киритиш имконияти туғилса ва футболчининг ўзи мунтазам ўйин амалиётига эга бўлишга интилса, "Байер" таклиф билан чиқишга тайёр.
Леверкузенликлар 19 ёшли футболчининг оиласи ва вакиллари билан алоқада, аммо ҳозирча "Реал Мадрид" билан боғланишгани йўқ.
Ла Лиганинг жорий мавсумида Арда 12 та ўйин ўтказиб, 1 та гол ва 1 та голли узатмани амалга оширди.
