"Ливерпуль" ярим ҳимоячиси Алексис Макалистер Муҳаммад Салоҳ, Трент Александр-Арнольд ва Виржил ван Дейк "мерсисайдликлар" клуби билан янги шартномалар имзолашига умид билдирди.
"Умид қиламанки, Салоҳ келаси йили "Ливерпул"да қолиши мумкин. Музокаралар муваффақиятли ўтишини истайман. У бу ерда бахтли ва клубнинг афсонаси.
Агар у шу ерда фаолиятини якунласа идеал бўларди, лекин бу жуда шахсий қарорлар ва бу ҳам клубга, уларнинг таҳлилига ва қарорига боғлиқ.
Ҳа, умид қиламанки, Трент ва Виржил ҳам Салоҳ каби бизда ўйнашда давом этишади.
Масалан, Александр-Арнольд жуда муҳим, чунки биз "Манчестер Сити"га қарши ўйинда жароҳатдан қайтганида кўрдик. Унинг маҳорати жуда катта.
У ҳимоядаги ўйинлари учун танқидга учраган, аммо мен у ҳимояда ҳам, ҳужумда ҳам ўзгаришлар қила олишига шубҳа қилмайман.
Бундан ташқари, у кучли ва тезкор, бу унга ҳужум ва ҳимоя ўртасидаги мувозанатни топиш имконини беради. Салоҳ каби у ҳам музокаралар олиб бормоқда ва умид қиламанки, у жамоамизда ўйнашда давом этади", - деди Макаллистер Diario AS нашрига.
