"Манчестер Сити" ва "Челси" клубларининг клублар ўртасидаги жаҳон чемпионатида иштирок этиши учун оладиган мукофот пули миқдори маълум бўлди.
Эслатиб ўтамиз, ФИФА келаси йил ёзида АҚШда илк бор клублар ўртасидаги жаҳон чемпионатини янги форматда ўтказади ва турнирнинг 32 нафар иштирокчиси орасида Премьер-лиганинг икки вакили бор.
ФИФА яқинда клублар ўртасидаги жаҳон чемпионати гуруҳ босқичига қуръа ташлаш маросимини ўтказди ва энди DAZN телерадиокомпанияси билан шартнома имзолади, у мусобақани 14 июндан бошлаб трансляция қилади.
DAZN билан шартнома 1 миллиард долларга (783 миллион фунт стерлинг) баҳоланган бўлиб, бу "Манчестер Сити" ва "Челси"нинг ҳар бирига 50-60 миллион фунт стерлинг мукофот пули кафолатланади, деб хабар беради Daily Mail.
