"Фенербахче" бош мураббийи Жозе Моуриньо ўзининг "Манчестер Сити"ни бошқараётган Пеп Гвардиоладан фарқли ўлароқ, Премьер-лигани адолатли ютгани, "шаҳарликлар" эса лиганинг молиявий қоидаларини кўп бузганликда айбланаётгани ҳақидаги олдинги сўзларига изоҳ берди.
"Пеп билан уч йил бир чемпионатда ишладик. Биз бир-биримизни ҳурмат қиламиз. Мен “Манчестер Сити”ни Премьер-лигадан чиқариб юборишни эмас, балки адолатни хоҳлайман. Кичик жамоалар баъзан молиявий фейр-плей лимитини 5-10 евродан ошиб кетгани учун жаримага тортилиши мумкин. "Рома"да ишлаганимда ҳам шунга ўхшаш чекловлар туфайли жуда кўп азоб чекдим. Менимча, бу адолатдан эмас.
Биз бир-биримизни ҳурмат қиламиз ва у буни билади. Сўзлар бошқа, шахсий муносабат бошқа. Мен фақат адолатни хоҳлайман, лекин биз ўзаро салбий ҳис-туйғуларни бошдан кечирмаймиз", - дейди Моуриньо.
