"ПСЖ" УЕФА Чемпионлар Лигасининг сўнгги 5 ўйинида илк ғалабасини қўлга киритди.

Луис Энрике бошчилигидаги жамоа Чемпионлар лигасининг 6-тури доирасидаги сафарда "Ред Булл" меҳмони бўлиб, 3:0 ҳисобида зафар қучди.

Бу "ПСЖ"нинг еврокубоклардаги сўнгги 5 ўйиндаги илк ғалабаси бўлди. Бунгача парижликлар "Бавария" (0:1), "Атлетико" (1:2), "Арсенал" (0:2)га имкониятни бой бериб, ПСВ билан дуранг ўйнаган (1:1). Биринчи турда "ПСЖ" "Жирона"ни минимал ҳисобда мағлуб этганди.

6 турдан кейин парижликлар ҳисобида 7 очко бор, улар турнир жадвалида 24-ўринга кўтарилиб олдилар.

22 январь куни "ПСЖ" Чемпионлар лигасининг 7-тури доирасида "Манчестер Сити"ни қабул қилади.