Саудия Арабистонининг «Ал-Ҳилол» клуби ўнг қанот ҳимоячиси Жоау Канселу «Барселона»га ҳали ҳам мухлислик қилишини яширмади.
«Мен «Барселона»ни тарк этмадим, мен юрагимни у ерда қолдирдим. Мен уларнинг барча ўйинларини томоша қиламан, уларнинг голларини ва муваффақиятсизликларини ҳис қиламан.
«Барса» мухлиси сифатида жамоа ўйнаётган пайт доим клуб либосни кийиб оламан.
Агар уларнинг ўйинига ҳисса қўша олсам, қайтармидим? ҲА!
Улар қисқа вақт ичида жуда катталашиб, кўпчилик улар ҳали балоғатга етмаганини унутиб қўяётганини кўряпман. Бу қайта туғилиш даври. Умид қиламанки, мухлислар улардан кўп нарса талаб қилиб, босим ўтказишмайди, улар қандай сабр қилишни билишади», - деди Канселу.
Эслатиб ўтамиз, 30 ёшли португалиялик ўтган мавсумда ижара асосида «кўк-анорранглилар» шарафини ҳимоя қилган.
