“Наполи” мухлислари Скудеттони “Ювентус”дан тортиб олиб, ўз клубига топширишга ҳаракат қилишди.

Лацио минтақавий маъмурий суди "Наполи" мухлислар уюшмалари томонидан "Ювентус"нинг 2018/19 йилги мавсумдаги чемпионлик унвонини бекор қилиш ва ўз клубига ўтказишни талаб қилган даъвосини қабул қилмади, деб хабар беради Calcio e Finanza.

Можаро "Ювентус"нинг 2018/19, 2019/20 ва 2020/21 йилги мавсумлар учун ҳисоботларида ўйинчиларнинг қийматини ошириб юборган ҳаракатлари туфайли юзага келган ва бу молиявий беқарорликни юзага келтирган.

Бу эса, ўз навбатида, клубга реал иқтисодий имкониятлардан юқори савиядаги футболчиларни харид қилиш имкониятини тақдим этди.

Бир гуруҳ мухлислар “Ювентус”нинг 2018/19 йилги чемпионат регламентини бузганлиги аниқланганига қарамай, қарорини бекор қилиш талаби билан судга мурожаат қилишди.

Клубга чемпионлик унвонидан маҳрум қилиш, турнир жадвалида охирги ўринга тушириш ёки 15 очколик жарима жазоси қўлланилмади, бу эса чемпионликни иккинчи ўриндаги "Наполи" жамоасига топширишга олиб келарди.