Бирмингемнинг “Астон Вилла” клуби бош мураббийи Унаи Эмери “РБ Лейпциг” устидан қозонилган ғалаба (3:2) ҳақида фикр билдирди.
“Мен жуда хурсандман. Бугун мухлисларнинг қўллаб-қувватлашини ҳис қилдим, улар фантастик эди. Учрашув айнан биз режалаштиргандек бўлди. Биз мухлисларимиз билан Чемпионлар лигасидан завқланяпмиз. Энди бизда 13 очко бор, аммо эйфорияга тушиб қолмаслик, мувозанатни сақлаш керак. Мақсадимиз кучли саккизликка кириш, бунинг устида ишлаймиз", - дея Эмери сўзларини келтиради клуб матбуот хизмати.
"Астон Вилла" турнир жадвалида учинчи ўринни эгаллаб турибди. Қолган икки учрашувда Эмери шогирдлари “Монако” ва “Селтик”ка қарши майдонга тушади.
