Франциялик ҳужумчи Килиан Мбаппе Чемпионлар лигаси умумий босқичи 6-тури доирасидаги “Аталанта”га қарши ўйинда жароҳат олди. Жароҳат туфайли футболчи биринчи бўлим давомида алмаштирилди.
Tyc Sports хабарига кўра, Мбаппе Испания чемпионатида "Райо Вальекано" билан бўлажак ўйинни ўтказиб юбориши мумкин. Агар Килианда жиддийроқ муаммолар борлиги аниқланса, у шу йилнинг охиригача майдонга тушмаслиги мумкин.
25 ёшли форвард ёзги трансфер ойнасида эркин агент сифатида мадридликлар сафига қўшилди. Испания чемпионатининг жорий мавсумида Мбаппе 15 та ўйин ўтказиб, 9 та гол ва битта голли узатмани амалга оширди.
