Мадриднинг «Реал» клуби ярим ҳимоячиси Жуд Беллингем мушаклари билан боғлиқ муаммоларда давом этмоқда. «Mundo Deportivo» хабарига кўра, Чемпионлар лигаси доирасида «Аталанта»га қарши ўйиннинг иккинчи бўлимида Беллингем вақти-вақти билан сонини ушлаб турган. Ўйин охирида инглиз футболчиси алмаштирилди.
Худди шу муаммо туфайли Беллингем Испания Ла лигасининг сўнгги ўйинида «Жирона»га қарши ўйинда алмаштирилганди. Кейин, текширув натижасида Жудда ҳеч қандай жароҳат аниқланмади - фақат ортиқча юклама.
Эслатиб ўтамиз, Мадриднинг «Реал» клуби меҳмонда «Аталанта»ни йирик 3:2 ҳисобида мағлуб этганди. Голлардан бирини Беллингем киритди.
