Чемпионлар лигаси умумий босқичнинг олти турини якунлади. «Барселона» ва «Реал» турнир жадвалининг турли қутбларида жойлашган, бироқ уларни дуранглар сони бўйича устунда ноль бирлаштирган.
«Барселона» сўнгги олти ўйинда бешта ғалаба ва бир мағлубият қайд этди. Ҳозирда 15 очко билан Ханс-Дитер Флик жамоаси иккинчи ўринда. «Блауграна» ҳали «Бенфика» ва «Аталанта»га қарши ўйнаши керак.
«Реал Мадрид» олти турда учта ғалабага эришди ва шунча мағлубият аламини тотиб кўрди. 9 очко билан Карло Анчелотти шогирдлари 20-ўринда бормоқда. «Лос-Бланкос»нинг қолган турлардаги рақиблари «Ред Булл Зальцбург» ва «Брест» бўлади.
