«Манчестер Юнайтед» Рубен Аморим қўл остида Европа Лигасидаги иккинчи ўйинида ҳам ғалаба қозонди.

«Қизил иблислар» Чехиянинг «Виктория» клуби устидан ҳужумчи Расмус Хёйлунннинг дубли эвазига 2:1 ҳисобида ғалаба қозонди. Шу тариқа, жамоа Аморим бошчилигидаги еврокубокларнинг дастлабки икки ўйинида ҳам ғалаба қозонди. «Opta» таъкидлаганидек, португалиялик мутахассис сэр Мэтт Басби ва Сэр Алекс Фергюсондан кейин «Манчестер Юнайтед» билан Европанинг асосий мусобақаларидан биридаги дастлабки икки ўйинда ғалаба қозонган учинчи мураббий бўлди. Рубен Аморим ноябрь ойида манкунианликлар жамоасини қабул қилиб олганди.

«Юнайтед» янги бош мураббийи қўл остида Европа майдондаги дебютида Норвегиянинг «Буде-Глимт» жамоасини мағлуб этганди (3:2).