«Барселона» бош мураббийи Ханс-Дитер Флик Ла Лига доирасида «Бетис»га қарши ўйинда ҳакамликдан шикоят қилгани учун қизил карточка олди. Немис мураббийи икки ўйинга дисквалификация қилинди, бироқ клуб апелляция берди. «Mundo Deportivo» хабарига кўра, апелляция рад этилган.
Шунинг учун Флик «Барселона»нинг 2024 йилдаги қолган иккала ўйинини ҳам ўтказиб юборади - «Леганес» (15 декабрь) ва «Атлетико Мадрид» (21 декабрь).
Флик 4 январга белгиланган «Барбастро»га қарши Испания кубоги ўйинида мураббийлар ўриндиғига қайтиши мумкин.
